Pois un pouco ás presas pero xa decoramos a casa por Defuntos/Samaín. Collimos cartolinas e fixemos uns pequenos adornos con motivos tradicionais
A festa ten orixe no fin das colleitas, así que non podían faltar as castañas dos magostos, nin as cabazas con cara. Novo non é: meu pai conta como hai 70 anos xa baleiraban os nabos para o gando e metían candeas neles para asustaren ás mozas cando ían a misa polos carreiros.
![Foto de un televisor con cabaciñas e castañas de cartulina coladas pola marxe.](https://xurxodiz.eu/wp-content/uploads/2024/04/tele-1024x768.jpeg)
As mariposas e avelaíñas representan desde hai centurias as ánimas, brancas e negras, boas e malas, que voan procurando o seu camiño ao alén. E así, deitamos algunhas delas pola casa toda.
![Foto de duas mariposas brancas de cartulina pousadas sobre un cartaz de máscara de Majora.](https://xurxodiz.eu/wp-content/uploads/2024/04/branca-1024x768.jpeg)
![Foto de dúas mariposas negras pousadas sobre un debuxo enmarcado dunha xana.](https://xurxodiz.eu/wp-content/uploads/2024/04/negra-1024x768.jpeg)
Para as portas dos despachos cousas máis clásicas: un esquelete e mais un morceguiño.
![Foto de dúas portas. Unha ten un debuxo de un esquelete e a outra un morcego recortado en cartulina.](https://xurxodiz.eu/wp-content/uploads/2024/04/despachos-1024x768.jpeg)
E para rematar, unha que me gusta especialmente: pequenas Santas Compañas / Güestias percorrendo agochadas e silentes os zócolos dos corredores.
![Foto de unha Santa Compaña recortada en cenefa de cartulina pegada na parte baixa de un zócalo de un corredor.](https://xurxodiz.eu/wp-content/uploads/2024/04/santa1-1024x768.jpeg)
![Foto de unha Santa Compaña recortada en cenefa de cartulina pegada na parte baixa de un zócalo de un salón, detrás de unha planta.](https://xurxodiz.eu/wp-content/uploads/2024/04/santa2-1024x768.jpeg)
Se vos gustan as ideas, son todas vosas. Hai moitos elementos destas datas que fican de lado por non ser os que usan nos EUA para o Halloween, e é unha mágoa.
Celebredes como a celebrardes, boa ponte!
Publicado orixinalmente en Twitter.
@xurxo Encantáronme as minisantas compañas, quedo coa idea para este ano!