A sesión comezou con eles liberando a uns homes lagarto que estaban cos contrabandistas pero que disque só viñeran comprar armas para se defenderen de #algo.
Así que decidiron ir cara ao norte visitar aos homes lagarto para ver se poden calmar as cousas, que os reinos humanos ándanvos preocupados por ese rearme. Pero iso non é o chamativo, non. É que ao día seguinte Ranolfo baixou almorzar sen a armadura posta e dicindo que a ía vender! Que durante a noite veulle falar WinRar e pediulle como acto de fe vender a súa armadura. Que el o protexería e iso será abondo. E agora anda por aí a peito lobo!
Zip flipa, claro. Iso da armadura non lle encaixa nada. Seguro que falou tal con WinRar? Ranolfo di que si e que agora por fin está en paz e sabe do seu lugar no universo e séntese en harmonía.
A sesión rematou con eles na nova aldea dos homes lagarto descubrindo que as armas quérenas para loitar contra os sahuagin que os botaron das súas vellas casas e ofrecéndense a axudalos. Que lle estará a pasar a Ranolfo? Serán quen de axudar aos homes lagarto? Saberémolo na vindeira sesión.
Publicado orixinalmente en Twitter.